Sunday, April 5, 2009

പാമ്പിനാളം മൂന്നം ദിവസത്തിലേക്ക്

പാമ്പിനാളം മൂന്നാം ദിവസത്തിലേക്ക് പ്രവേശിച്ചു. ഞായറാഴ്ചയായതിനാല്‍ ഇന്ന് നാഗയക്ഷിക്കളം ആയിരുന്നു. പോരാത്തതിന് തറവാട്ടിലെ മിക്കവരും, നാട്ടുകാരും സന്നിഹിതായിരുന്നു.
ചെറുവത്താനി തേവരുടെ അമ്പലത്തില്‍ നിന്ന് പാലക്കൊമ്പ് എഴുന്നെള്ളിച്ച്, ഏതാണ്ട് അമ്പത് താലങ്ങളും, ചെണ്ട മേളങ്ങളും ആയി തുള്ളാനുള്ള കന്യകമാരായ മിനി, ദസ്യ എന്നിവരായി ഏഴര മണിയോടെ തറവാട്ടിലേക്ക് വമ്പിച്ച ഘോഷയാത്രയായി പുറപ്പെട്ടു. വരുന്ന വഴിക്ക് തറവാടെത്തുന്നതിന് മുന്‍പ് ഒരു പെണ്‍കുട്ടി തുള്ളി വന്ന് ഘോഷയാത്രയില്‍ ചേര്‍ന്നു. പിന്നീട് കളത്തില്‍ മറ്റു പെണ്‍കുട്ടികളുടെ കൂടെ തുള്ളി.
തുള്ളലിന്റെ ഫോട്ടോ എടുത്തില്ല. സ്റ്റില്‍ ഫോട്ടൊസ് മൂവിങ്ങ എക് ഷനില്‍ കിട്ടാന്‍ പ്രയാസമാണ്.
സാഗര്‍ ജാക്കി എലിയാസ് എന്ന സിനിമയുടെ ഒരു ഛായാഗ്രഹണം നിര്‍വ്വഹിച്ച രെണു കല്ലായില്‍ അവിടെ ഉണ്ടായിരുന്നു. അവന്‍ എടുത്ത നല്ല പടങ്ങള്‍ വാങ്ങണം.
പാമ്പിനാളം ചൊവ്വാഴ്ചയോട് കൂടിയേ അവസാനിക്കൂ. ബുധനാഴ്ച പകല്‍ കൂറ വലിക്കുന്ന ചടങ്ങോട് കൂടെ സമാപിക്കും.
എനിക്ക് ഇന്ന് വൈകുന്നേരമാകുമ്പോഴെക്കും മടങ്ങണം തൃശ്ശിവപേരൂര്‍ക്ക്.
അച്ചന്‍ തേവര്‍ ക്ഷേത്രത്തില്‍ കമ്മറ്റി മീറ്റിങ്ങിന്റെ ദിവസമാണ്. ദാസേട്ടനോട് പറ്റുമെങ്കില്‍ ബുധനാഴ്ചയിലേക്ക് മാറ്റാന്‍ പറഞ്ഞിട്ടുണ്ട്.
എനിക്ക് കളം തീരുന്നതിന് മുന്‍പ് പോകാന്‍ തോന്നുന്നില്ല. ഇന്ന് വരില്ലേ എന്ന് ബീനാമ്മ ഫോണില്‍ കൂടെ ചോദിച്ചു.
അവള്‍ അവളുടെ ഗ്രാമത്തില്‍ ഒരു കല്യാണത്തിന് പോകുകയാണത്രെ. എനിക്ക് ഉച്ചക്കുള്ള ഭക്ഷണം വെച്ചിട്ടാണ് അവള്‍ പോയിരിക്കുന്നത്.
എനിക്ക് എന്റെ ഗ്രാമത്തിലെ ആളുകളെ കണ്ടിട്ട് മതിയാകുന്നില്ല. ബന്ധുക്കളും, വീട്ടുകാരും ഇവിടെയാണ്. കുട്ടികളുടെ വിദ്യാഭാസം കണക്കിലെടുത്താണ് പട്ടണത്തിലേക്ക് ചേക്കേറിയത്. അവരൊക്കെ സെറ്റില്‍ഡ് ആയി ഇപ്പോള്‍, അപ്പോള്‍ ഗ്രാമത്തിലേക്ക് മടങ്ങിക്കൂടെ എന്നൊരു ചോദ്യം അവശേഷിക്കുന്നു. പക്ഷെ എന്റെ കെട്ട്യോള്‍ക്ക് തൃശ്ശൂരാണത്രെ ഇഷ്ടം. അപ്പോള്‍ എന്നെ ആരു നോക്കും.
ഇവിടെ തറവാട്ടില്‍ എന്റെ സഹോദരനും, ഭാര്യ ഗീതയും, പിന്നെ ശുഭ എന്നൊരു സുന്ദരിക്കുട്ടിയും ഉണ്ട്. ശ്രീരാമന്റെ മകന്‍ കിട്ടന്‍ അടുത്ത നാള്‍ ദുബായിലേക്ക് പറക്കുകയാണ്. അവന്റെ പകരക്കാരനായ മോനു എന്ന ഒരു കുട്ടി ഇവിടെ ഗീതക്ക് കൂട്ടിനുണ്ടാകും. കിട്ടനെ പോലെത്തന്നെ എനിക്ക് സഹായിയായി എപ്പോഴും കൂടെ ഉണ്ട്. രാധയുടെ മകനാണ് മോനു.
വയ്യാത്ത എന്നെ പരിചരിക്കുവാന്‍ എല്ലാവരും ഉണ്ട് എന്റെ തറവാട്ടില്‍. എപ്പോഴും ഇവിടെ നിന്നാലും ശരിയാകുകയില്ല. എനിക്കൊരു പാട് പണികളുണ്ട് തൃശ്ശൂരിലും. അച്ചന്‍ തേവര്‍ അമ്പലത്തിലെ പ്രസിഡണ്ട് പദവി വളരെ ഉത്തരവദിത്വമുള്ളതാണ്.
തൃശ്ശൂര്‍ പൂരം കഴിഞ്ഞ് രണ്ടാം ദിവസം അവിടുത്തെ പ്രതിഷ്ഠാദിനമാണ്. അഴകത്ത് ശാസ്ത്രശര്‍മ്മന്‍ ആണ് തന്ത്രി. ഒരു പാട് ക്ഷേത്രങ്ങളിലെ തന്ത്രിയായതിനാലും, ഈ അമ്പലത്തിലെ വരുമാനം കുറഞ്ഞതിനാലും, അദ്ദേഹം പണ്ടത്തെപ്പോലെ പ്രതിഷ്ഠാദിന പരിപാടികളില്‍ വേണ്ടത്ര സാന്നിദ്ധ്യം രേഖപ്പെടുത്താറില്ല.
ചൊവ്വാഴ്ചത്തെ കളവും കൂടി എനിക്ക് കാണാനുള്ള യോഗം ഉണ്ടാക്കിത്തരട്ടെ എന്ന് നാഗയക്ഷിയോട് പ്രാര്‍ഥിക്കാം. എന്റെ കാലിലെ വാത രോഗം മാറ്റികിട്ടാന്‍ പ്രാര്‍ഥിക്കുന്നുണ്ട്. നമുക്ക് മരുന്ന കഴിക്കാനല്ലേ പറ്റൂ. പിന്നെയുള്ളതെല്ലാം ഈശ്വരന്മാര്‍ സഹായിക്കേണ്ടെ.
മൂന്നു കൊല്ലം ആകാന്‍ പോകുന്നു. ഇപ്പോ കുറച്ച് നാളായി അസുംഖം കൂടുതലാ. പാമ്പിനാളത്തിന് വന്ന അന്നുമുതല്‍ മരുന്നുകള്‍ ഉപേക്ഷിച്ചു. നാഗദേവതകളോട് പ്രാര്‍ഥിച്ചു. അസുഖം അല്പ്ം കുറവുണ്ടോ എന്ന ഒരു തോന്നലുണ്ട് എനിക്ക്. ഇനി പട്ടണത്തില്‍ നിന്ന് ഗ്രാമീണ അന്ത:രീക്ഷത്തിലേക്ക് വന്നതിനാലാണോ എന്നറിയില്ല. ഇവിടെ ചെരിപ്പ് ഇടാതെ പറമ്പിലൂടെയെല്ലാം നടക്കാമല്ലോ. പട്ടണത്തിലാകുമ്പോല്‍ കാല്‍ സ്രായിയും, ഷൂസും, പോരാത്തരിന് വലിയ ചൂടും ആണ്.
ഗ്രാമത്തില്‍ എന്നെ കഷ്ടപ്പെടുത്തുന്ന ഏക വസ്തുത എനിക്ക് മൂന്ന് നേരവും നല്ലോണം കുളിച്ച നീരാടാന്‍ പറ്റുന്നില്ല. നല്ല വെള്ളത്തിന് ക്ഷാമം.
കല്ലായില്‍ രാമകൃഷ്ണന്‍ എന്ന സഹൃദയന്റെ പറമ്പില്‍ നിന്ന് നല്ല വെള്ളം കുടിക്കാനും, കുളിക്കാനും ഞങ്ങളുടെ തറവാ‍ട്ടില്‍ എത്തുന്നു. അതും കൂടി ഇല്ലെങ്കില്‍ എനിക്ക് വല്ലപ്പോഴും തറവാട്ടില്‍ വന്ന് നില്‍ക്കുവാനുള്ള സ്വപ്നം സാക്ഷാത്കരിക്കില്ലായിരുന്നു.
രാമകൃഷ്ണനെ തറവാട്ടിലെ കാരണവന്മാരും, നാഗദേവതകളും കടാക്ഷിക്കട്ടെ. കൂടുതല്‍ കൂടുതല്‍ ധനം കൊടുക്കട്ടെ.
[തുടരാം വഴിയെ]

5 comments:

ജെപി. said...

ചെറുവത്താനി തേവരുടെ അമ്പലത്തില്‍ നിന്ന് പാലക്കൊമ്പ് എഴുന്നെള്ളിച്ച്, ഏതാണ്ട് അമ്പത് താലങ്ങളും, ചെണ്ട മേളങ്ങളും ആയി തുള്ളാനുള്ള കന്യകമാരായ മിനി, ദസ്യ എന്നിവരായി ഏഴര മണിയോടെ തറവാട്ടിലേക്ക് വമ്പിച്ച ഘോഷയാത്രയായി പുറപ്പെട്ടു. വരുന്ന വഴിക്ക് തറവാടെത്തുന്നതിന് മുന്‍പ് ഒരു പെണ്‍കുട്ടി തുള്ളി വന്ന് ഘോഷയാത്രയില്‍ ചേര്‍ന്നു

Sureshkumar Punjhayil said...

Nagadevatha Njangaleyum Kadakshikkatte.. Ashamsakal Prakashetta...!!!

ബൈജു സുല്‍ത്താന്‍ said...

ഫോട്ടോകളും വിവരണവും ശ്ശ്യ നന്നായി. ഇതൊക്കെ കണ്ടിട്ടും കാലം കുറെയായി.

Devi said...

great visuals, great piece of writing, overall wat an experience JP yetta...ellam kaninnnu munpil kanda pole. u r a true inspiration prakshetta, i admire ur spirit and energy.

ജെപി. said...

devi

many thanks for your heartfelt coments. i am so happy to read such a lovely comment.
this makes me more energetic and i am sure i can write more and more.
thank u for motivating me.
appreciate if you could tell me more about u.
i just cannot recollect u
let me c if u too a blogger like me.
pls c my latest post in the same blog where i wrote about trichur pooram